ຍິນດີນໍາ ແຊມຄຳ ໝື່ນສີ ຊະນະເລີດໃນການແຂ່ງຂັນ ເວົ້າສໍາລັບຊາວໜຸ່ມ 2022 ທັງງາມ ແລະ ວາຈາຄ່ອງ

ຊື້ເລກທີ່ນີ້ ມີແຕ່ໄດ້ກັບໄດ້ 100%


ການແຂ່ງຂັນຮອບຊີງຊະນະເລີດຂອງ ງານແຂ່ງຂັນເວົ້າສໍາລັບຊາວໜຸ່ມ 2022 ໄດ້ຈັດຂຶ້ນທີ່ ສູນກາງຊາວໜຸ່ມປະຊາຊົນປະຕິວັດລາວ ໃນຕອນຄໍ່າຂອງວັນທີ 22 ກໍລະກົດ 2022. ໂດຍການເຂົ້າຮ່ວມຂອງທ່ານ ມອນໄຊ ລາວມົວຊົ່ງ ເລຂາຄະນະບໍລິຫານງານ ສູນກາງຊາວໜຸ່ມ ປປ ລາວ, ທ່ານ ໂພສີ ແກ້ວມະນີວົງ ຮອງລັດຖະມົນຕີ ກະຊວງຖະແຫຼງຂ່າວ, ວັດທະນະທໍາ ແລະທ່ອງທ່ຽວ, ທ່ານ ແສງອາລຸນ ທີ່ປຶກສາສະຖານທູດ ຈີນປະຈໍາ ລາວ ພ້ອມດ້ວຍພາກສ່ວນທີ່ກ່ຽວຂ້ອງສອງປະເທດລາວ-ຈີນເຂົ້າຮ່ວມ.

ງານແຂ່ງຂັນເວົ້າສໍາລັບຊາວໜຸ່ມ 2022 ຄັ້ງນີ້, ສູນກາງຊາວໜຸ່ມ ປປ ລາວ ແລະສູນອາຊີ-ອາຟຣີກາ ສະຖານີວິທະຍຸໂທລະພາບສູນກາງຈີນ (CMG) ເປັນເຈົ້າພາບ ແລະມອບໃຫ້ວິທະຍຸສາກົນແຫ່ງປະເທດຈີນ ຫຼື CRI ປະຈໍາລາວ ແລະ ວິທະຍຸຊາວໜຸ່ມລາວສິນໄຊຍຸກໃໝ່ຮ່ວມກັນຈັດຕັ້ງປະຕິບັດ.

ໂອກາດນີ້, ທ່ານ ມອນໄຊ ລາວມົວຊົ່ງ ໄດ້ຕາງໜ້າສູນກາງຊາວໜຸ່ມ ປປ ລາວ ກ່າວສະແດງຄວາມຂອບໃຈມາຍັງ CMG ກໍຄືທຸກພາກສ່ວນທີ່ໄດ້ສະໜອງເວທີທີ່ດີ ແລະເປີດກວ້າງແນວຄວາມຄິດໃຫ້ແກ່ຊາວໜຸ່ມລາວໄດ້ກ້າສະແດງອອກ ກໍຄືສ້າງແລະຝຶກຝົນຫຼໍ່ຫຼອມຖັນແຖວພະນັກງານໜຸ່ມລາວໃຫ້ມີຄວາມໜັກແໜ້ນດ້ານການເມືອງແລະເຕີບໃຫຍ່ໃນການນຳພາຕົວຈິງເພື່ອສະໜອງບຸກຄະລາກອນປະຕິວັດຮຸ່ນສືບທອດທີ່ມີຄຸນນະພາບໃຫ້ແກ່ການຈັດຕັ້ງພັກ-ລັດແຕ່ລະຂັ້ນ, ເຊິ່ງເຮັດໃຫ້ຊາວໜຸ່ມລາວທົ່ວປະເທດສຸມສາຍຕາມາໃສ່ງານນີ້ດວ້ຍຄວາມສົນໃຈ.

ເຊື່ອໝັ້ນວ່າຜູ້ເຂົ້າແຂ່ງຂັນທຸກຄົນຈະໄດ້ຮັບບົດຮຽນ ແລະປະສົບການທີ່ດີໃນການເຂົ້າຮວ່ມແຂ່ງຂັນຄັ້ງນີ້ ເພື່ອນໍາເອົາຜົນງານນີ້ໄປປະກອບສ່ວນ ເສີມສ້າງພະລັງແຫ່ງຊາວໜຸ່ມໃຫ້ແກ່ການສ້າງສາພັດທະນາປະເທດຊາດໃຫ້ກ້າວສູ່ຄວາມຈະເລີນ.

ທ່ານ ອ່ານສຽວຢວີ ຫົວໜ້າສູນຜະລິດລາຍການພາສາອາຊີ-ອາຟຣິກກາ CMG ໄດ້ຝາກຄໍາອວຍພອນໃຫ້ແກ່ງານແຂ່ງຂັນຄັ້ງນີ້ທີ່ນະຄອນຫຼວງປັກກິ່ງຂອງຈີນ ໂດຍໄດ້ຍ້ອງຍໍຊົມເຊີຍແລະຄວາມປາຖະໜາອັນແຮງກ້າມາຍັງຊາວໜຸ່ມສອງປະເທດຈີນ-ລາວ ຈົ່ງແລກປ່ຽນກັນຢ່າງບໍ່ຢຸດຢັ້ງ ເພື່ອເປັນຜູ້ສືບທອດ ແລະເສີມຂະຫຍາຍມິດຕະພາບສອງປະເທດຈີນ-ລາວ ໃຫ້ໄດ້ສືບທອດຕໍ່ໆກັນໄປແຕ່ລະເຊັ່ນຄົນຢ່າງຍືນຍົງຄົງຕົວຕະຫຼອດໄປ.

ໃນຕໍ່ໜ້າ, ພວກເຮົາຈະຮ່ວມກັບຄູ່ຮ່ວມມືຝ່າຍລາວ ຊຸກຍູ້ການແລກປ່ຽນ ສົນທະນາ ກັນ ລະຫວ່າງຊາວໜຸ່ມເຍົາວະຊົນຕື່ມອີກ, ຮັດແໜ້ນມິດຕະພາບລະຫວ່າງ ຊາວໜຸ່ມຈີນ-ລາວຕື່ມອີກ ເພື່ອປະກອບສ່ວນເຂົ້າໃນການຊຸກຍູ້ສາຍພົວພັນ ຈີນ-ລາວໃຫ້ຂະຫຍາຍຕົວຢ່າງໝັ້ນຄົງຍາວນານສົມກັບວ່າຈີນ-ລາວແມ່ນຄູ່ຮວ່ມຊະຕາກັນດຽວກັນ.

ງານແຂ່ງຂັນເວົ້າຄັ້ງນີ້ໄດ້ດຶງດູດຊາວໜຸ່ມໃນທົ່ວປະເທດເກືອບ 400 ຄົນເຂົ້າຮ່ວມການແຂ່ງຂັນໃນຫຼາຍຮອບ ແລະໄດ້ຄັດເລືອກຊາວໜຸ່ມດີເດັ່ນ 10 ຄົນເພື່ອແຂ່ງຂັນຊີງຊະນະເລີດ ເຊິ່ງພວກເຂົາເຈົ້າຕ່າງຄົນຕ່າງໄດ້ແບ່ງປັນທັດສະນະ ແລະແນວຄວາມຄິດຂອງຕົນເອງ ໂດຍປິ່ນອ້ອມຫົວຂໍ້ “ເສັ້ນທາງກ້າວສູ່ອະນາຄົດຂອງ ສປປ ລາວ” ພາຍໃຕ້ສະຖານະການສາກົນທີ່ມີທັງກາລະໂອກາດ ແລະສິ່ງທ້າທາຍຫຼາຍປະການໃຫ້ແກ່ປະເທດຊາດລາວ.

ຜ່ານການແຂ່ງຂັນ ໂດຍການທົດສອບດ້ານຄວາມຮູ້-ຄວາມສາມາດ, ການຕອບຄໍາຖາມ ທີ່ມີໄຫວພິບປະຕິພານ ແລະ ໄດ້ສ້າງຄວາມປະທັບໃຈຕໍ່ຄະນະກໍາມະການ,ໃນນັ້ນ, ນາງ ແຊມຄຳ ໝື່ນສີ ຈາກນະຄອນຫຼວງວຽງຈັນ ໄດ້ເປັນຜູ້ຊະນະເລີດ, ທ້າວ ເອກວິໄຊ ຕຣັ່ນ ຈາກນະຄອນຫຼວງ ເປັນຮອງຊະນະເລີດ ທີ່ 1 ແລະນາງ ວຽງເພັດ ພັນນະວົງ ຈາກນະຄອນຫຼວງ ເປັນຮອງຊະນະເລີດ ທີ2.

ນອກຈາກນີ້ ທາງຄະນະຈັດງານແຂ່ງຂັນ ຍັງໄດ້ມອບລາງວັນ ອື່ນຯອີກເຊັ່ນ ລາງວັນພັດທະນາດີເດັ່ນ ແມ່ນ ນາງ ກິຕາ ອາສິດນີພາບ ຈາກນະຄອນຫຼວງວຽງຈັນເປັນຜູ້ໄດ້ຮັບ, ລາງວັນຂວັນໃຈມະຫາຊົນ ແມ່ນນາງ ປາລະມີ ຜາສຸ້ຍໄຊງາມ ຈາກນະຄອນຫຼວງວຽງຈັນເປັນຜູ້ໄດ້ຮັບ, ລາງວັນບຸກຄະລິກະພາບດີເດັ່ນ ແມ່ນ ນາງ ສຸພາພອນ ລໍວັນໄຊ ຈາກນະຄອນຫຼວງວຽງຈັນ ເປັນຜູ້ໄດ້ຮັບ. ພ້ອມນັ້ນຍັງໄດ້ມອບໃບຍ້ອງຍໍ ໃຫ້ຜູ້ເຂົ້າຮ່ວມປະກວດຕືມອີກ.

Related Posts

Leave a Reply

Your email address will not be published.