ແຮງງານລາວ 30 ຄົນ , ຍິງ 6 ຄົນ ໄດ້ເຂົ້າຮ່ວມຝຶກອົບຮົມແນະນຳ ຫລື ການປະຖົມນິເທດ ກ່ອນຈະໄປເຮັດວຽກຢູ່ ສ ເກົາຫລີ.​

ຊື້ເລກທີ່ນີ້ ມີແຕ່ໄດ້ກັບໄດ້ 100%


ແຮງງານລາວ 30 ຄົນ , ຍິງ 6 ຄົນ ໄດ້ເຂົ້າຮ່ວມຝຶກອົບຮົມແນະນຳ ຫລື ການປະຖົມນິເທດ ກ່ອນຈະໄປເຮັດວຽກຢູ່ ສ ເກົາຫລີ.​

ໃນວັນທີ 22 ກໍລະກົດ 2022ນີ້, ທີ່ເຮືອນຮັບແຂກກະຊວງ ຮສສ. ກົມການຈັດຫາງານ ກະຊວງແຮງງານ ແລະ ສະຫັວດດີການສັງຄົມ ຝຶກອົບຮົມ ແນະນໍາ ຫລື ການປະຖົມນິເທດແຮງງານລາວກ່ອນການໄປເຮັດວຽກໄລຍະ 3-5 ປີ ຢູ່ ສ ເກົາຫລີ . ໃຫ້ກຽດເຂົ້າຮ່ວມ ແລະ ໂອ້ລົມ ໂດຍ ທ່ານ ພົງໄຊສັກ ອິນຖາລາດ ຮອງລັດຖະມົນຕີກະຊວງແຮງງານ ແລະ ສະຫັວດດີການສັງຄົມ(ຮສສ), ໂດຍມີຄະນະກົມ ແລະ ວິຊາການເຂົ້າຮວ່ມ.

ທ່ານ ນາງ ວັນນີ ແກ້ວໄຊຍະວົງ ຮອງກົມການຈັດຫາງານ ໄດ້ລາຍງານຫຍໍ້ກ່ຽວກັບສະພາບການຈັດສົ່ງແຮງງານລາວໄປເຮັດວຽກທີ່ ປະເທດ ສ ເກົາຫລີ, ພາຍຫລັງທີ່ ສູນບໍລິການຈັດຫາງານຕາງໜ້າກະຊວງແຮງງານ ແລະ ສະຫັວດດີການສັງຄົມ ໄດ້ລົງນາມຂໍ້ຕົກລົງວ່າດ້ວຍການການຈັດສົ່ງແຮງງານລາວໄປເຮັດວຽກຢູ່ ສ ເກົາຫລີ ຮ່ວມກັບອົງການບໍລິການພັດທະນາຊັບພະຍາກອນມະນຸດ ສ ເກົາຫລີ ໃນວັນທີ 17 ຕຸລາ 2016 ເປັນຕົ້ນມາ, ສຳລັບແຮງງານລາວທີ່ຈະໄປເຮັດວຽກ ໄລຍະ 3-5 ປີ ຢູ່ ສ ເກົາຫລີ ແມ່ນຕ້ອງໄດ້ຜ່ານການສອບເສັງ ແລະ ສາມາດໃຊ້ພາສາເກົາຫລີ ໃຫ້ໄດ້ໂດຍພື້ນຖານ, ສະໝັກເຂົ້າສອບເສັງພາສາເກົາຫຼີ, ສອບເສັງທັກສະ ແລະ ສີມືແຮງງານ.

ຜ່ານການຈັດຕັ້ງປະຕິບັດ ມີແຮງງານລາວ ທີ່ໄປເຮັດວຽກຢູ່ ສ.ເກົາຫລີ ມີຢູ່ 2 ຄື ເຮັດວຽກໃນລົບບົບການອະນຸຍາດຈ້າງງານ ລະບົບ EPS ມີອາຍຸການ 3-5 ປີ ແມ່ນເຮັດວຽກຢູ່ໂຮງຈັກ, ໂຮງງານຂະໜາດນ້ອຍ; ມາຮອດປະຈຸບັນມີທັງໝົດ 721 ຄົນ, ຍິງ 49 ຄົນ ໃນນີ້ມີແຮງງານທີ່ເດີນທາງກັບມາບ້ານແລ້ວ 35 ຄົນ ແລະ ແຮງງານລະບົບລະດູການມີ 248 ຄົນ ຍິງ 143 ຄົນ ເຮັດວຽກໄລຍະສັ້ນ 3-6 ເດືອນ.

ໃນໂອກາດນີ້ ທ່ານ ຮອງລັດຖະມົນຕີ ກະຊວງແຮງງານ ແລະ ສະຫັວດດີການສັງຄົມ, ໄດ້ກ່າວເນັ້ນໃຫ້ຜູ້ທີ່ຜ່ານການສອບເສັງທີ່ເປັນແຮງງານລາວຈຳນວນ 30 ຄົນ, ຈົ່ງພ້ອມກັນຍົກສູງນ້ໍາໃຈຮັກຊາດ,ຮັກບ້ານເກີດເມືອງນອນ ມີຄວາມອົດທົນ ມີຄວາມດຸຫມັ່ນຂະຫຍັນພຽນ ມີລະບຽບວິໄນການເຮັດວຽກດີ ອົດທົນຕັ້ງໃຈເຮັດວຽກຕາມໜ້າທີ່ ່ພາລະບົດບາດທີ່ຕົນໄດ້ຖືກມອບໝາຍໃຫ້ສຳເລັດຕາມກຳນົດເວລາ ແລະ ຮ່ຳຮຽນຝຶກຝົນທັກສະນຳເອົາເຕັກນິກວິຊາການທີ່ທັນສະໄຫມ ຂອງປະເທດ ສ ເກົາຫລີ ເພື່ອມາພັດທະນາປະເທດເຮົາ ພ້ອມດຽວກັນນັ້ນກໍ່ເອົາໃຈໃສ່ປະຕິບັດລະບຽບວິໄນຂອງປະເທດ ສ ເກົາຫລີ ຫລີກລ່ຽງຈາກກຸ່ມຄົນທີ່ບໍ່ດີ, ຖ້າມີບັນຫາໃດກໍ່ປະສານຕິດຕໍ່ຫາກົມຈັດຫາງານເພື່ອຫາວິທີແກ້ໄຂໃຫ້ຫັນເວລາ ເພື່ອຮັບປະກັນສິດ ຜົນປະໂຫຍດຂອງຕົນ.

ຕອນທ້າຍ, ທ່ານ ຍັງໄດ້ຂໍຟາກກ່າວເຕືອນແຮງງານທີ່ກຳລັງ ຈະອອກເດີນທາງໄປເຮັດວຽກທີ່ປະເທດ ສ.ເກົາຫຼີ ຊຸດນີ້ຕື່ມອີກວ່າ: ໃຫ້ທຸກຄົນປະຕິບັດລະບຽບວິໄນ ຂອງປະເທດ ສ.ເກົາຫຼີ ແລະ ຂອງບໍລິສັດ ໃຫ້ເຂັ້ມງວດ, ແຍກແຍະມິດ, ສັດຕູ ໃຫ້ຈະແຈ້ງ, ອົດທົນ, ຕັ້ງໃຈ ເຮັດວຽກ ໃຫ້ຄົບຕາມກໍານົດເວລາທີ່ກໍານົດໄວ້ ແລະ ເດີນທາງກັບຄືນປະເທດ ພາຍຫຼັງສິ້ນສຸດສັນຍາ. ຖ້າຫາກຜູ້ໃດໂຕນໜີ ຈະສົ່ງຜົນກະທົບອັນໃຫຍ່ຫຼວງ ຕໍ່ຕົນເອງ, ຄອບຄົວ, ຍາດພີ່ນ້ອງ ແລະ ປະເທດລາວ ໂດຍລວມ. ຕົນເອງ ກໍ່ຈະຢູ່ໃນສະຖານະຢູ່ແບບຜິດກົດໝາຍ, ຖືກເຈົ້າໜ້າທີ່ນໍາຈັບ, ຖືກປັບໄໝ ແລະ ຂຶ້ນບັນຊີ ບໍ່ໃຫ້ເຂົ້າປະເທດ ສ.ເກົາຫຼີ ອີກ. ຍິ່ງໄປກວ່ານັ້ນ ຄົນໃນບ້ານ, ເມືອງ ຫຼື ແຂວງ ທີ່ຕົນເອງອາໄສຢູ່ ກໍ່ຈະໄດ້ຮັບຜົນກະທົບຢ່າງຫຼີກລ້ຽງບໍ່ໄດ້ ເຊັ່ນ: ຈະບໍ່ມີໂອກາດໃນການສະໝັກໄປເຮັດວຽກທີ່ປະເທດ ສ.ເກົາຫຼີ. ຮ້າຍແຮງໄປກວ່ານັ້ນ ລັດຖະບານ ປະເທດ ສ.ເກົາຫຼີ ຈະໂຈະການຮັບເອົາແຮງງານລາວ ເຂົ້າໄປເຮັດວຽກທີປະເທດ ສ.ເກົາຫຼີ ອີກ.

(ຂ່າວສານຮສສ)

Related Posts

Leave a Reply

Your email address will not be published.