ຄວາມເປັນມາ ແລະ ຄວາມສຳຄັນຂອງບຸນເຂົ້າພັນສາ

ຊື້ເລກທີ່ນີ້ ມີແຕ່ໄດ້ກັບໄດ້ 100%


ບຸນເຂົ້າພັນສາ ມີຄວາມສໍາຄັນແນວໃດ? ເປັນຫຍັງຈຶ່ງຕ້ອງເຂົ້າພັນສາ?ເປັນຫຍັງພະສົງຕ້ອງຈຳວັດ 3 ເດືອນ? ຊຶ່ງພຸດທະສາສະນິກະຊົນລາວເຮົາລ້ວນຮູ້ດີ ເພາະເປັນວັນສຳຄັນທາງສາສະໜາພຸດ ເປັນວັນທີ່ພະສົງເຖລະວາດ ຈະອະທິດຖານວ່າ ຈະພັກປະຈຳຢູ່ບ່ອນໃດໜຶ່ງຕະຫລາດໜ້າຝົນ 3 ເດືອຮນ ຕາມພະວິໄນບັນຍັດໄວ້ໂດຍບໍ່ໄປຄ້າງຄືນບ່ອນອື່ນນັບແຕ່ແຮມ 1 ຄໍ່າເດືອນ 8 ເຖິງມື້ຂຶ້ນ 15 ຄໍ່າເດືອນ11. ສຳບັນບຸນເຂົ້າພັນສາປີນີ້ກົງກັບວັນທີ 13ກໍລະກົດ 2022.

ຄຳວ່າ ພັນສາ ໝາຍເຖິງໄລຍະເວລາຄົບຮອບ12 ເດືອນ ຫລື ໝາຍເຖິງຍາມຝົນ ຊຶ່ງເປັນເລາທີ່ຕ້ອງຢຸດເດີນທາງ ບໍ່ໄປພັກແຮມຄືນຢູ່ບ່ອນອື່ນ ອັນເປັນທີ່ມາຂອງຄຳວ່າ ຈຳພັນສາ ໝາຍວ່າພະສົງຈະຕ້ອງຢູ່ວັດທີ່ຕົນອະທິດຖານພັນສາຕະຫລອດ 3 ເດືອນໃນຍາມຝົນ ຈະໄປແຮມຄືນຢູ່ໃສບໍ່ໄດ້ນອກຈາກມີເຫດຈຳ ເປັນເທົ່ານັ້ນ. ໃນບຸນເຂົ້າພັນສາ ມີຫລາຍປະເພນີສຳຄັນປິ່ນອ້ອມ ໄດ້ແກ່ ປະເພນີຖວາຍຜ້າອາບນໍ້າຝົນ ຊຶ່ງເດີມແລ້ວ, ພະພຸດທະເຈົ້າອະນຸຍາດໃຫ້ພິກຂຸໃຊ້ຜ້າພຽງ 3 ຜືນ ຄື ຜ້າພາດບ່າ, ຜ້າຫົ່ມ ແລະຜ້ານຸ່ງ ລວມແລ້ວເອີ້ນວ່າ ໄຕຈີວອນ, ແຕ່ເມື່ອເວລາຝົນຕົກ ພິກຂຸອາບນໍ້າຝົນຈຶ່ງຕ້ອງເປືອຍກາຍ ແລະ ມີມື້ໜຶ່ງ ນາງ ວິສາຂາ ໃຊ້ຜູ້ຍິງຮັບໃຊ້ໄປວັດຂະນະຝົນຕົກ ແລະ ເຫັນພິກຂຸເປືອຍກາຍອາບນໍ້າຝົນ ຈຶ່ງເຂົ້າໃຈວ່າເປັນເດຍລະຖືແລ້ວກັບມາບອກນາງ ວິສາຂາ.

ຈາກນັ້ນ ນາງວິສາຂາ ໄດ້ທູນພະພຸດທະເຈົ້າ ຂໍຖວາຍຜ້າອາບນໍ້າຝົນແກ່ພະພິກຂຸພະພຸດທະເຈົ້າຈຶ່ງອະນຸຍາດໃຫ້ພິກຂຸໃຊ້ຜ້າອາບນໍ້າຝົນ ຕັ້ງແຕ່ນັ້ນມາ ແລະ ຖືເປັນປະເພນີຖວາຍຜ້າອາບນໍ້າຝົຍຈົນເຖິງປັດຈຸບັນນີ້ແລ.ອີກໜຶ່ງປະເພນີໃນບຖນເຂົາພັນສາຄືປະເພນີແຫ່ທຽນພັນສາ ຊຶ່ງສະໄໝກ່ອນບໍ່ມີໄຟຟ້າຊາວໄດ້ຫລໍ່ທຽນເຫລັ້ມໃຫຍ່ຖວາຍພິກຂຸເພື່ອມີແສງສະຫວ່າງໃນການປະຕິບັດກິດຈະວັດຕ່າງໆ ເປັນພຸດທະບູຊາຕະຫລອດ 3 ເດືອນ ແລະການນຳທຽນໄປຖວາຍນັ້ນ, ຊາວບ້ານ ມັກຕັ້ງຂະບວນແຫ່ຢ່າງເອິກກະເຫລີກ ມ່ວນຊື່ນ ຈົນກາຍເປັນປະເພນີ.

ຫລາຍທ່ານຄົງຮູ້ດີ ແລະ ຫລາຍທ່ານອາດບໍ່ທັນຮູ້ດີເຖິງຄວາມສຳຄັນຂອງບຸນເຂົ້າພັນສາ ຊຶ່ງຄວາມຈິງແລ້ວ ພາຍຫລັງເດີນທາງໄປເຜີຍແຜ່ພະພຸດທະສາສະໜາ 8-9 ເດືອນ ແລະ ໃນໄລຍະເຂົ້າພັນສາເປັນໄລຍະທີ່ພະສົງຢຸດເດີນທາງ ເພື່ອໄດ້ສຶກສາພະທຳວິໄນ ແລະຫລັກຄຳສອນຂອງພະພຸດທະເຈົ້າເພື່ອກຽມສັ່ງສອນປະຊາຊົນເມື່ອເຖິງວັນອອກພັນສາ.ຂະນະດຽວກັນໃນໄລຍະນີ້, ພຸດທະ

ສາສະນິກະຊົນ ກໍໄດ້ບຳ ເພັນບຸນກຸສົນ ເຮັດບຸນໃສ່ບາດ ພັງເທດ ຖວາຍທຽນ ແລະ ຜ້າອາບນໍ້າຝົນ. ທີ່ສຳຄັນ ກຸນລະບຸດຜູ້ມີອາຍຸຄົບ 20 ປີ ກໍໄດ້ມີໂອກາດເຂົ້າມາບັນພະຊາອຸປະສົມບົດໃນໄລຍະເຂົ້າພັນສາ ສຶກສາພະທຳວິໄນ ຖືເປັນກຳລັງສຳຄັນສຳລັບການເຜີຍແຜ່ພະພຸດທະສາສະໜາຕໍ່ໄປ.

ເອົາເປັນວ່າ: ຜູ້ໃຫ້ທານ ຮັກສາສິນໃນບຸນເຂົ້າພັນສາ ຈະໄດ້ຜະຫລາອານິສົງຫລາຍ ເນື່ອງຈາກພະພິກຂຸ ຈຳວັດປະຕິບັດທຳຜູ້ໄດ້ອຸປະຖາກຮັກສາ ຈະປະສົບຜົນສຳເລັດຈະເປັນຜູ້ຈະເລີນໃນທາງທ່າ ແລະ ຈົ່ງເອົາ ຕົນເຂົ້າວັດປະຕິບັດເພື່ອຂູດເກົາຈິດໃຈໃຫ້ເປັນຜູ້ຮູ້ໃຫ້ອະໄພ ໃຫ້ຮູ້ທັນປັນຫາອາໄສຫລັກທຳ ເປັນແສງສະ ຫວ່າງເຍືອງທາງໃຫ້ແກ່ການດຳລົງຊີວິດ ເພື່ອຄວາມຜາສຸກໃນຊາດນີ້ ແລະ ພົບໜ້າ.

Related Posts

Leave a Reply

Your email address will not be published.