ເມືອງນາຊາຍທອງ ໄດ້ວາງແຜນກະກຽມປ່ອຍ ປາທັງຫມົດ 3 ແສນໂຕ ລົງສູ່ແຫຼ່ງນໍ້າທໍາມະຊາດ

ຊື້ເລກທີ່ນີ້ ມີແຕ່ໄດ້ກັບໄດ້ 100%


ເມືອງນາຊາຍທອງ ໄດ້ວາງແຜນກະກຽມປ່ອຍ ປາທັງຫມົດ 3 ແສນໂຕ ລົງສູ່ແຫຼ່ງນໍ້າທໍາມະຊາດ

ທ່ານ ໄກຍະສັກ ມະນີວົງ ຫົວຫນ້າຫ້ອງການກະສິກໍາ ແລະ ປ່າໄມ້ເມືອງນາຊາຍທອງ ນະຄອນຫຼວງວຽງຈັນໄດ້ໃຫ້ສໍາພາດໃນວັນທີ 6 ກໍລະກົດ 2022 ວ່າ: ເນື່ອງໃນໂອກາດວັນປ່ອຍປາແຫ່ງຊາດ 13 ກໍລະກົດທີ່ຈະມາເຖິງນີ້ ທາງເມືອງນາຊາຍທອງ ໄດ້ວາງແຜນກະກຽມປ່ອຍ ປາທັງຫມົດ 3 ແສນໂຕ ເປັນຊະນິດປາພັນພື້ນເມືອງ ປະກອບມີ: ປາປາກ ປາເຂັງ ປາກົດ ແລະ ຊະນິດອື່ນໆ ເພື່ອເປັນການສ້າງສະຕິຮັກຫອມ ຕໍ່ການອະນຸຮັກສັດນໍ້າ-ສັດປ່າ ໃຫ້ບັນດາອົງການຈັດຕັ້ງຕ່າງໆ ນັບທັງພາກລັດ ແລະ ເອກະຊົນ ຕະຫຼອດຮອດນັກຮຽນ ນັກສຶກສາ ປັນຍາຊົນ ແລະ ນ້ອງນ້ອຍເຍົາວະຊົນໃຫ້ຮູ້ເຖິງຄວາມຫມາຍຄວາມສໍາຄັນຂອງສັດນໍ້າ-ສັດປ່າ ເພື່ອເຮັດໃຫ້ເຂົາເຈົ້າໄດ້ປະກອບສ່ວນເຂົ້າໃນການ ຂະຫຍາຍພັນສັດ ຄຸ້ມຄອງປົກປັກຮັກສາສັດນໍ້າຂອງຕົນໃຫ້ຖືກຕ້ອງ ສອດຄ່ອງກັບລະບຽບກົດຫມາຍບ້ານເມືອງ ເພື່ອເປົ້າຫມາຍລວມໃຫ້ມີ ປະຊາກອນສັດນ້ໍາ-ສັດປ່າ ມີຢູ່ຄູ່ທໍາມະຊາດ ແລະ ສັງຄົມ ໃຫ້ນັບມື້ຂະຫຍາຍຕົວຂຶ້ນ ໂດຍສະເພາະ ກໍແມ່ນອ່າງນໍ້າຫຸມ-ນໍ້າຊ່ວງ ຂອງເມືອງ ນາຊາຍທອງ ນະຄອນຫຼວງວຽງຈັນ ທັງເພື່ອເປັນການປະຕິບັດກົດຫມາຍວ່າດ້ວຍການປະມົງ ແລະ ເປັນການຜັນຂະຫຍາຍກົດຫມາຍລົງ ພື້ນຖານ.

ສໍາລັບການປ່ອຍປາປີນີ້ ພິທີໃຫຍ່ແມ່ນຈະໄດ້ຈັດຂຶ້ນໃນວັນທີ 13 ກໍລະກົດ ທີ່ອ່າງນໍ້າຊ່ວງ ເມືອງນາຊາຍທອງ ນະຄອນຫຼວງວຽງຈັນ ສ່ວນປາທີ່ຈະນໍາມາປ່ອຍ ແມ່ນໄດ້ມາຈາກການປະກອບສ່ວນຂອງພາກສ່ວນຕ່າງໆເປັນຕົ້ນແມ່ນກົມລ້ຽງສັດ ແລະ ການປະມົງຈໍານວນ 100.000 ໂຕ ພະແນກກະສິກໍາ ແລະ ປ່າໄມ້ນະຄອນຫຼວງວຽງຈັນ 50.000 ໂຕ ເມືອງນາຊາຍທອງ 50.000 ໂຕ ນອກຈາກນັ້ນກໍ່ໄດ້ປຸກ ລະດົມຈາກພາກສ່ວນກ່ຽວຂ້ອງຕ່າງໆຕື່ມອີກ.

ເມືອງນາຊາຍທອງ ເປັນເມືອງຫນຶ່ງທີ່ມີທ່າແຮງບົ່ມຊ້ອນດ້ານການປູກຝັງ-ລ້ຽງສັດ ມີລະບົບຊົນລະປະທານທີ່ສາມາດຕອບສະຫນອງນ້ໍາ ເຂົ້າໃນການຜະລິດໄດ້ຕະຫຼອດປີ ທັງເປັນບ່ອນຜະລິດທາດຊີ້ນປາໃຫ້ແກ່ຊາວເມືອງນາຊາຍທອງ ເພື່ອແກ້ໄຂຊີວິດການເປັນຢູ່ຂອງພໍ່ແມ່ປະ ຊາຊົນພາຍໃນເມືອງນາຊາຍທອງ ໂດຍມີຂໍ້ຕົກລົງ ຂໍ້ກໍານົດໃນການຄຸ້ມຄອງເຂດສະຫງວນ ການຫາປາຢູ່ໃນອ່າງນໍ້າຫຸມ – ນໍ້າຊ່ວງ ແລະ ມີ ການຈັດຕັ້ງຄຸ້ມຄອງພັດທະນາອ່າງນໍ້າໃຫ້ມີຄວາມອຸດົມສົມບູນ ໃຫ້ເປັນບ່ອນອະນຸຮັກແນວພັນປາທໍາມະຊາດໃຫ້ມີຫຼາກຫຼາຍແນວພັນສັດ ນໍ້າ ແລະ ໃນແຕ່ລະປີ ກໍໄດ້ມີແຜນປ່ອຍປາລົງສູ່ອ່າງທຸກໆປີ ເພື່ອເປັນການຕອບສະຫນອງທາດຊີ້ນປາພາຍໃນເມືອງ ນັບແຕ່ປີ 2009 ສປປ ລາວ ໄດ້ປະກາດນໍາໃຊ້ກົດຫມາຍວ່າດ້ວຍການປະມົງ ສະບັບເລກທີ 03/ສພຊ ລົງວັນທີ 9 ກໍລະກົດ 2009 ໄດ້ກໍານົດເອົາວັນທີ 13 ກໍລະກົດ ຂອງທຸກໆປີ ເປັນວັນປ່ອຍປາແຫ່ງຊາດ ການນໍາຂອງເມືອງນາຊາຍທອງໄດ້ເອົາໃຈໃສ່ສ້າງຂະບວນການໃນວັນປ່ອຍປາ ແລະ ວັນອະນຸຮັກສັດ ນ້ໍາສັດປ່າແຫ່ງຊາດ 13 ກໍລະກົດ ຂຶ້ນ ເຊິ່ງເຮັດໃຫ້ຂະບວນການດັ່ງກ່າວມີຄວາມຫນາຍຄວາມສໍາຄັນ ແລະ ມີລັກສະນະກ້ວາງຂວາງ ນັບແຕ່ປີ 1994-2021 ລວມໂຕເລກການປ່ອຍປາ ສັດນ້ໍາ ແລະ ສັດປ່າຈໍານວນ 27.031.000 ໂຕ.

ທີ່ມາ: Vientiane Mai

Related Posts

Leave a Reply

Your email address will not be published.