ກອງປະຊຸມເຈົ້າໜ້າທີ່ອາວຸໂສທ່ອງທ່ຽວອາຊຽນຄັ້ງທີ 56 ທົບທວນຫຼາຍບັນຫາກ່ຽວກັບການທ່ອງທ່ຽວ

ຊື້ເລກທີ່ນີ້ ມີແຕ່ໄດ້ກັບໄດ້ 100%


ກອງປະຊຸມເຈົ້າໜ້າທີ່ອາວຸໂສທ່ອງທ່ຽວອາຊຽນຄັ້ງທີ 56 ທົບທວນຫຼາຍບັນຫາກ່ຽວກັບການທ່ອງທ່ຽວ

ກອງປະຊຸມເຈົ້າໜ້າທີ່ອາວຸໂສທ່ອງທ່ຽວອາຊຽນຄັ້ງທີ 56 ຮູບແບບທາງໄກ ໄດ້ຈັດຂຶ້ນໃນວັນທີ 5-6 ກໍລະກົດ 2022 ນີ້ ທີ່ນະຄອນຫຼວງວຽງຈັນ ໂດຍການເປັນປະທານຮ່ວມຂອງທ່ານນາງ ນີວາຢາກີຣີ ອັດຢານີ ຫົວໜ້າຫ້ອງການກະຊວງການທ່ອງທ່ຽວ ແລະ​ ເສດຖະກິດປະເທດອິນໂດເນເຊຍ ແລະ​ ທ່ານ ຄົມ ດວງຈັນທາ ຫົວໜ້າກົມໂຄສະນາການທ່ອງທ່ຽວກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ລາວ ເປັນຮອງປະທານ ກອງປະຊຸມຄັ້ງນີ້, ໄດ້ທົບທວນການຈັດຕັ້ງປະຕິບັດແຜນການຮ່ວມມື ດ້ານທ່ອງທ່ຽວອາຊຽນ ໃນ 6 ຕົ້ນປີ 2022 ເປັນຕົ້ນແມ່ນການແລກປ່ຽນຂໍ້ມູນຂ່າວສານຊຶ່ງກັນ ແລະ ກັນ ກ່ຽວກັບນະໂຍບາຍການປ້ອງກັນ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ທີ່ສົ່ງຜົນກະທົບຕໍ່ການທ່ອງທ່ຽວ, ນະໂຍບາຍການເປີດປະເທດຄືນໃໝ່ ເພື່ອຕ້ອນຮັບນັກທ່ອງທ່ຽວ ແນໃສ່ຮັບປະກັນທາງດ້ານສຸຂະພາບ ແລະ ຄວາມປອດໄພຂອງນັກທ່ອງທ່ຽວເປັນບັນຫາສໍາຄັນ. ມາຮອດປັດຈຸບັນ, ຫຼາຍປະເທດສະມາຊິກອາຊຽນ ໄດ້ມີນະໂຍບາຍ ແລະ ມາດຕະການຜ່ອນຜັນ ອໍານວຍຄວາມສະດວກ ໃຫ້ແກ່ການເດີນທາງຂອງນັກທ່ອງທ່ຽວພາຍໃນອາຊຽນ ແລະ ການເດີນທາງຂອງນັກທ່ອງທ່ຽວສາກົນ ເຂົ້າ-ອອກປະເທດ.

ຂະແໜງການທ່ອງທ່ຽວອາຊຽນໄດ້ສືບຕໍ່ຮ່ວມກັນຈັດຕັ້ງແຜນປະຕິບັດງານ ເພື່ອຟື້ນຟູການທ່ອງທ່ຽວທີ່ຖືກຮັບຮອງໃນຕົ້ນປີ 2022 ໃຫ້ເກີດເປັນຮູບປະທໍາ, ພ້ອມທັງຈະສຸມໃສ່ສ້າງຜະລິດຕະພັນການທ່ອງທ່ຽວໃຫ້ມີຄວາມຫຼາກຫຼາຍ, ສົ່ງເສີມວຽກງານໂຄສະນາການຕະຫຼາດ, ມາດຕະຖານການທ່ອງທ່ຽວ, ການທ່ອງທ່ຽວເຊື່ອມຈອດ, ຫັນການທ່ອງທ່ຽວທາງດ້ານດີຈີຕອນ ເພື່ອໃຫ້ນັກທ່ອງທ່ຽວມີຄວາມສະດວກ ໃນການເຂົ້າເຖິງຂໍ້ມູນຂ່າວສານ. ນອກນັ້ນ, ຂະແໜງການທ່ອງທ່ຽວຈະສືບຕໍ່ຮ່ວມມືກັບບັນປະເທດຄູ່ເຈລະຈາ ແລະ ການຮ່ວມກັບບັນດາອົງການຈັດຕັ້ງສາກົນ ແນໃສ່ເຮັດໃຫ້ການທ່ອງທ່ຽວອາຊຽນ ມີຄວາມເຂັ້ມແຂງ ແລະ ສ້າງເງື່ອນໄຂອໍານວຍຄວາມສະດວກ ໃຫ້ແກ່ການເດີນທາງທ່ອງທ່ຽວໄປ-ມາຫາສູ່ກັນມີຄວາມສະດວກຫຼາຍຂຶ້ນ.

ໃນຕົ້ນປີ 2022, ລັດຖະບານລາວໄດ້ເປີດການທ່ອງທ່ຽວສີຂຽວ ແລະ ໄດ້ເປີດປະເທດເຕັມຮູບແບບໃນເດືອນພຶດສະພາຜ່ານມາ, ໃນໄຕມາດທຳອິດຂອງປີ 2022 ນີ້, ສາມາດຕ້ອນຮັບນັກທ່ອງທ່ຽວພາຍໃນຫຼາຍກວ່າ 626.825 ເທື່ອຄົນ ແລະນັກທ່ອງທ່ຽວສາກົນ 35.980 ເທື່ອຄົນ ແລະຄາດວ່າໃນທ້າຍປີນີ້, ຈະມີນັກທ່ອງທ່ຽວສາກົນ ມາທ່ຽວລາວນັບມື້ເພີ່ມຂຶ້ນ.

Cr: CRI-FM93

Related Posts

Leave a Reply

Your email address will not be published.