ແບ່ງມູນບໍ່ລົງຕົວ ເອົາມີດແທງອ້າຍເສຍຊີວິດ.

ຊື້ເລກທີ່ນີ້ ມີແຕ່ໄດ້ກັບໄດ້ 100%


ແບ່ງມູນບໍ່ລົງຕົວ ເອົາມີດແທງອ້າຍເສຍຊີວິດ.

ໃນວັນທີ 1 ກໍລະກົດ 2022 ເຈົ້າຫນ້າທີ່ ປກສ ເມືອງຍອດອູ ແຂວງຜົ້ງສາລີ ໄດ້ນໍາຕົວ ທ້າວ ກອງແກ້ວ ອາຍຸ 34 ປີ, ທີ່ເອົາມີດແທງ ທ້າວ ຄຳແສງ ອາຍຸ 37 ປີ, ຄ້າຂາຍ ຢູ່ບ້ານກາດ ( ຜູ້ເປັນອ້າຍ ) ເສຍຊີວິດຍ້ອນແບ່ງມູນມໍລະດົກດິນໄຮ່-ດິນນາບໍ່ລົງຕົວ.

ເຈົ້າຫນ້າທີ່ ໃຫ້ຂໍ້ມູນວ່າ: ເຫດການດັ່ງກ່າວເກີດຂຶ້ນໃນວັນທີ 20 ເມສາ 2022 ທີ່ຜ່ານມາ,ຫລັງຮັບແຈ້ງເຈົ້າຫນ້າທີ່ກໍໄດ້ລົງສະຖານທີ່ເກີດເຫດ ພົບ ທ້າວ ຄຳແສງ ເສຍຊີວິດຢູ່ຂ້າງເຮືອນ ທີ່ຖືກມີດແທງທ້ອງ ແລະ ຟັນ 3 ບາດ, ດ້ວຍນໍ້າມືຂອງນ້ອງຊາຍ.

ຫລັງຈາກກໍ່ເຫດຖືກຄອບຄຸມຕົວທັນທີ ແລະ ນຳໄປສອບສວນ ໂດຍຜູ້ກ່ຽວສາລະພາບວ່າ: ບໍ່ພໍໃຈໃຫ້ຜູ້ເປັນອ້າຍ ຍ້ອນການແບ່ງປັນນມູນມໍລະດົກຂອງພໍ່ແມ່ບໍ່ລົງຕົວ ຈິ່ງເກີດຜິດຖຽງກັນຂັ້ນຮຸນແຮງ ເປັນສາເຫດລົງມືກໍ່ເຫດຄາດຕະກຳ.

ດັດແກ້ຂ່າວ : ຈາກ ປກສ ແຂວງຜົ້ງສາລີ

Related Posts

Leave a Reply

Your email address will not be published.