ສຶກສາຄວາມເປັນໄປໄດ້ ການລົງທຶນປູກຫຍ້າລ້ຽງງົວພັນຊີ້ນ​ ຢູ່ແຂວງຊຽງຂວາງ

ຊື້ເລກທີ່ນີ້ ມີແຕ່ໄດ້ກັບໄດ້ 100%


ສຶກສາຄວາມເປັນໄປໄດ້ ການລົງທຶນປູກຫຍ້າລ້ຽງງົວພັນຊີ້ນ​ ຢູ່ແຂວງຊຽງຂວາງ

ຫວ່າງບໍ່ດົນມານີ້, ໄດ້ມີພິທີເຊັນບົດບັນທຶກຄວາມເຂົ້າໃຈວ່າດ້ວຍການສຶກສາ, ສໍາຫຼວດຄວາມເປັນໄປໄດ້ໃນການລົງທຶນສໍາປະທານດິນຢູ່ບ້ານປົວ ເມືອງພູກູດ ແຂວງຊຽງຂວາງ ເພື່ອປູກຫຍ້າ, ລ້ຽງງົວພັນຊີ້ນ ແລະ ຂະຫຍາຍພັນງົວ.

ຈຸດປະສົງແມ່ນເພື່ອເປັນການປະກອບສ່ວນໃນການສ້າງວຽກເຮັດງານທໍາໃຫ້ກັບປະຊາຊົນເຂດໃກ້ຄຽງໃນພື້ນທີ່ສໍາປະທານ, ເພື່ອເປັນການສະໜອງຊີ້ນງົວໃຫ້ກັບສັງຄົມທັງພາຍໃນ ແລະ ຕ່າງປະເທດ ທັງເປັນການປະກອບສ່ວນໃນການສ້າງສາພັດທະນາເສດຖະກິດ-ສັງຄົມ ຂອງແຂວງຊຽງຂວາງໃຫ້ມີການຂະຫຍາຍຕົວຢ່າງຕໍ່ເນື່ອງ ແລະ ເຂັ້ມແຂງ.

ອີງຕາມຂໍ້ມູນຈາກພະແນກກະສິກໍາແລະປ່າໄມ້ແຂວງຊຽງຂວາງໃຫ້ຮູ້ວ່າ: ຊຽງຂວາງໄດ້ຖືເອົາການລ້ຽງສັດໃຫຍ່ເປັນບູລິມະສິດທໍາອິດຂອງແຂວງ ເຊິ່ງໃນປີຜ່ານມາ ໄດ້ສົ່ງງົວ, ຄວາຍ ໄປຂາຍຍັງ​ສປ ຈີນ ແລະ ສສ ຫວຽດນາມ ຈໍານວນ 15.000 -16.000 ໂຕນ, ເນື້ອທີ່ທົ່ງຫຍ້າທໍາມະຊາດພາຍໃນແຂວງມີ 80.000 ເຮັກຕາ ໄດ້ກາຍເປັນທ່າແຮງ ໃນການລ້ຽງສັດໃຫຍ່ເພື່ອເປັນສິນຄ້າ.

ໃນພິທີຮ່ວມລົງນາມເຊັນບົດບັນທຶກຄວາມເຂົ້າໃຈຕາງໜ້າອົງການປົກຄອງແຂວງຊຽງຂວາງ ໂດຍທ່ານ ສົມບັດ ຊົງວິໄລ ຮັກສາການຫົວໜ້າພະແນກແຜນການ ແລະ ການລົງທຶນແຂວງແລະ ຕາງໜ້າ ບໍລິສັດ ວາຍແອວ ຊ້ຽວ ພັດທະນາກະສິກໍາ ຈໍາກັດ ແມ່ນທ່ານ ນາງ ຢ່າງຈົງຍີງ, ໂດຍການເຂົ້າຮວ່ມເປັນສັກຂີພິຍານຂອງ ທ່ານ ບົວເງິນ ຫຸມໄຊຍະພົມ ຮອງເຈົ້າແຂວງ ແລະ ພະແນກການກ່ຽວຂ້ອງ.

ຂ່າວ: CRI-FM93

Related Posts

Leave a Reply

Your email address will not be published.