ພາລະກິດປົກປັກຮັກສາ, ສ້າງສາ ແລະ ພັດທະນາ

ຊື້ເລກທີ່ນີ້ ມີແຕ່ໄດ້ກັບໄດ້ 100%


ພາລະກິດປົກປັກຮັກສາ, ສ້າງສາ ແລະ ພັດທະນາ

ປະເທດຊາດ ເປັນພັນທະໜ້າທີ່ລວມຂອງຄົນລາວທັງຊາດ ປະເທດຊາດຈະໝັ້ນຄົງ,ເສດຖະກິດ-ສັງຄົມ ຈະພັດທະນາ ລ້ວນແຕ່ຂຶ້ນກັບຄວາມສາມັກຄີ, ຄວາມເປັນຈິດໜຶ່ງໃຈດຽວຂອງປະຊາຊົນລາວບັນດາເຜົ່າ.

ພວກເຮົາມີມູນເຊື້ອທີ່ດີເລີດຄືສາມັກຄີ ແລະພ້ອມກັນເສຍສະລະຜົນປະໂຫຍດສ່ວນຕົວຕໍ່ສູ້ປົດປ່ອຍຊາດ ຊຶ່ງນີ້ຄືກຳລັງແຮງສັງລວມທີ່ມະຫາສານສາມາດເຮັດໃຫ້ປະເທດຊາດໄດ້ຮັບການປົດປ່ອຍຢ່າງສົມບູນໃນປີ 1975 ແລ້ວສ້າງຕັ້ງສາທາລະນະລັດ ປະຊາທິປະ ໄຕ ປະຊາຊົນລາວ.ພາຍຫລັງປະເທດຊາດໄດ້ຮັບການປົດປ່ອຍຢ່າງສົມບູນແລ້ວ ພວກເຮົາກໍຍັງຜະເຊີນອຸປະສັກ ແລະສິ່ງກີດຂວາງຕ່າງໆຕໍ່ການພັດທະນາປະເທດຊາດ,ແຕ່ພາຍໃຕ້ການນຳພາຂອງພັກ ສົມ ທົບກັບຄວາມເປັນຈິດໜຶ່ງໃຈດຽວ ແລະ ຄວາມສາມັກຄີຂອງຄົນໃນຊາດຈຶ່ງຜ່ານຜ່າຄວາມຫຍຸ້ງຍາກຕ່າງໆໄດ້ຢ່າງສຳເລັດ.

ຕະຫລອດ 40 ກວ່າປີແຫ່ງການປະຕິບັດພາລະກິດພາລະກິດສ້າງສາ ແລະ ພັດທະນາ ປະເທດ ໃນຍຸກແຫ່ງການປ່ຽນແປງໃໝ່, ຍຸກແຫ່ງການພົວພັນເຊື່ອມໂຍງກັບພາກພື້ນ, ສາກົນຢ່າງກວ້າງຂວາງ ແລະໜັກ ແໜ້ນນັ້ນ, ພວກເຮົາມີທັງຈຸດດີ ຈຸດອ່ອນ, ອຸປະສັກຫຍຸ້ງຍາກຫລາຍປັດໄຈທີ່ກີດຂວາງບາດກ້າວເດີນຂອງຊາດບໍ່ວ່າຈະເປັນໄພທຳມະຊາດ, ພະຍາດລະບາດ ແລະວິກິດຕ່າງໆຢ່າງລຽນຕິດໂດຍສະເພາະສິ່ງທີ່ພວກ ເຮົາພວມຜະເຊີນຄືບັນຫາເງິນເຟີ້, ນໍ້າມັນແພງ, ລາຄາສິນຄ້າແພງແຕ່ລະມື້ ຊຶ່ງເກີດຈາກປັດໄຈພາຍໃນແດ່ ພາຍນອກນໍາ ມາກະທົບໃສ່ ເປັນຕົ້ນປັດໄຈພາຍໃນ, ຄົນລາວເຮົາຍັງນິຍົມໃຊ້ເງິນຕາຕ່າງປະເທດເກີນໄປ ບໍ່ວ່າຈະເປັນເງິນບາດເງິນໂດລາ,ການຜະລິດສິນຄ້າບໍ່ເຂັ້ມແຂງ, ການນຳເຂົ້າສິນຄ້າຫລາຍກວ່າການສົ່ງອອກ ຊຶ່ງເປັນບັນຫາຊໍ້າເຮື້ອມາດົນນານ.

ຂະນະທີ່ປັດໄຈພາຍນອກນັ້ນເປັນຜົນມາຈາກຕະຫລາດ ນໍ້າມັນໂລກລາຄາຜົນຜວນ, ເກີດຄວາມຂັດແຍ່ງລະຫວ່າງປະເທດມະຫາອຳນາດ, ການຂວ້ຳບາດຂອງປະ ເທດທີ່ຢາກເປັນເຈົ້າໂລກ ແລະຄວາມຂັດແຍ່ງອື່ນໆແບບບໍ່ສິ້ນສຸດ. ສະພາບທັງພາຍນອກ ແລະ ພາຍໃນດັ່ງກ່າວຍ່ອມສົ່ງຜົນກະທົບຕໍ່ສປປ ລາວ ຢ່າງໃຫຍ່ຈົນເກີດວິກິດຕ່າງໆຕາມມາ ແລະ ຈາກເງື່ອນໄຂປັດໄຈດັ່ງກ່າວ, ຈິດໃຈຮັກຊາດ ແລະ ພັດທະນາ ຈຶ່ງເປັນສິ່ງສຳຄັນ ໂດບຕ້ອງໄດ້ອອກແຮງກັນຜະລິດສິນຄ້າໃຫ້ຫລາຍເພື່ອເປັນສິນຄ້າສົ່ງອອກ, ຫັນມານິຍົມໃຊ້ເງິນກີບຊື້ຂາຍກັນຢູ່ພາຍໃນປະເທດ, ຫັນມານຳໃຊ້ຜະລິດຕະພັນຂອງຄົນລາວທີ່ຜະລິດເອົາເອງໄດ້ແລະ ອື່ນໆທີ່ປິ່ນອ້ອມ ຈຶ່ງຈະເຮັດໃຫ້ປະເທດເຮົາຜ່ານພົ້ນວິກິດນີ້ໄປໄດ້.

ແນວໃດກໍດີ, ສະພາບທີ່ເກີດຂຶ້ນແຕ່ລະໄລຍະຮຽກຮ້ອງໃຫ້ພວກເຮົາ ຕ້ອງສາມັກຄີກັນປະຕິບັດແຜນພັດ ທະນາເສດຖະກິດ-ສັງຄົມແຕ່ລະໄລຍະ,ຕ້ອງເຂັ້ມງວດການບໍລິຫານໃຫ້ສັກສິດເດັດຂາດໂດຍການນໍາໃຊ້ກົດໝາຍຄຸ້ມຄອງລັດ, ຄຸ້ມຄອງສັງຄົມ ຈຶ່ງຈະເຮັດໃຫ້ສັງທົ່ວສັງຄົມມີຄວາມສະຫງົບສຸກ ປະເທດຊາດຮັ່ງມີ ເຂັ້ມແຂງປະຊາຊົນ ຢູ່ດີກິນດີ ສາມາດຜ່ານຜ່າອຸປະສັກຄວາມຫຍຸ້ງຍາກດັ່ງທີ່ເປັນຢູ່ໄດ້.

Related Posts

Leave a Reply

Your email address will not be published.