ຂ້ອຍຍອມ ປານນີ້ຍັງຫຶງຫວງໄດ້!..ຊາຍໄວ 66 ປີ ຄາດຕະກໍາເມຍ ຍ້ອນຫຶງຫວງ

ຊື້ເລກທີ່ນີ້ ມີແຕ່ໄດ້ກັບໄດ້ 100%


ພັທ ບຸນມີ ກັນຕິຍະວົງ ຮອງຫົວໜ້າກອງບັນຊາການ ປກສ ເມືອງນາຊາຍທອງ ໃຫ້ຮູ້ວ່າ: ວັນທີ 27 ມິຖຸນາ 2022, ໄດ້ຮັບແຈ້ງຈາກບ້ານຜາງແຫ້ງວ່າ ໄດ້ພົບເຫັນຊາກສົບຄົນຢູ່ໜອງນໍ້າ ເຂດບ້ານຜາງແຫ້ງ

ຈິ່ງໄດ້ແຕ່ງຕັ້ງກຳລັງລົງກວດກາຊັນນະສູດສະ ຖານທີ່ເກີດເຫດ ພົບເຫັນຊາກສົບເປັນເພດຍິງ ແລະ ຊາບຊື່ໃນເວລາຕໍ່ມາ ຊື່ ນາງ ຄໍາຫວານ ອາຍຸ 55 ປີ ພັກເຊົາຢູ່ບ້ານຜາງແຫ້ງ ເມືອງນາຊາຍທອງ.

ເຈົ້າໜ້າທີ່ຈິ່ງເກັບກໍາຂໍ້ມູນຫຼັກຖານເບືອງຕົ້ນຮູ້ໄດ້ວ່າ ນາງ ຄຳຫວານ ຖືກຜົວລົງມືຄາດຕະກໍາ, ຮອດເວລາ 14:00 ໂມງ ຂອງວັນດຽວກັນ ເຈົ້າໜ້າທີ່ຈຶງຕິດຕາມຈັບຕົວ ທ້າວ ແຫຼ້ ອາຍຸ 55 ປີ ໄດ້ຢູ່ເຂດບ້ານນາຝາຍ ເມືອງທຸລະຄົມ ແຂວງວຽງຈັນ ມາດຳເນີນຄະດີ.

ຜ່ານການສອບສວນ ທ້າວ ແຫຼ້ ສາລະພາບວ່າ: ໄດ້ລົງມືຄາດຕະກໍານາງ ຄຳຫວານ ຜູ້ເປັນເມຍ ສາເຫດເກີດມາຈາກ ການຫຶງຫວງ ຜິດຖຽງກັນ ຮຸນແຮງ, ມີການກະທົບທາງດ້ານຈິດໃຈ ຈົນບໍ່ສາມາດຢັບຢັ້ງຈິດໃຈຕົນ ເອງໄດ້,

ໃນວັນທີ 11 ພຶດສະພາ 2022 ຈິ່ງລົງມືຄາດຕະກໍານາງ ຄຳຫວານ ດ້ວຍວິທີໃຊ້ມືກົດຫົວເມຍລົງໜອງນໍ້າ ປະມານ 2 ນາທີ ພາໃຫ້ຂາດອາກາດ ຫາຍໃຈ ເປັນເຫດໃຫ້ເສຍຊີວິດ;

ຫຼັງຈາກນັ້ນ ກໍກັບຂຶ້ນໄປນອນ; ຕົກມາຮອດເວລາ 6:00 ໂມງ ຂອງວັນທີ 12 ພຶດສະພາ 2022 ເຫັນຊາກສົບຟູນໍ້າຂຶ້ນມາ ຈິ່ງໄດ້ເອົາຊາກສົບໃສ່ກະສອບເປົາ ພ້ອມທັງເອົາດິນບ໋ອກສອງກ້ອນມັດໃສ່ສາຍເຫຼັກລວດເຕັງໄວ້,

ແລ້ວໄປ ຍັດໃສ່ກ້ອງກະຊັງປາ ຈາກນັ້ນກໍເອົາຕົວຫຼົບໜີ ໄປຢູ່ແຂວງວຽງຈັນ; ມາຮອດວັນ 27 ມິຖຸນາ 2022 ຈິ່ງຖືກເຈົ້າໜ້າທີ່ຈັບຕົວ.

ຕໍ່ກັບຄະດີດັ່ງກ່າວ ກອງບັນຊາການ ປກສ ເມືອງນາຊາຍທອງ ໄດ້ອອກຄຳສັ່ງເປີດການສືບສວນ ສອບສວນ ສະຫຼຸບສໍານວນຄະດີສົ່ ງໄອຍະການ ປະຊາຊົນດໍາເນີນຄະດີຕາມກົດໝາຍ.

ຄິຼບ:

ຂ່າວ: ປກສ ນະຄອນຫຼວງ

Related Posts

Leave a Reply

Your email address will not be published.