ແຂວງຫຼວງນ້ຳທາເຊັນສັນຍາໂຄງການກໍ່ສ້າງຕາຂ່າຍໄຟຟ້າແຮງດັນກາງ 138 ກິໂລໂວນ

ຊື້ເລກທີ່ນີ້ ມີແຕ່ໄດ້ກັບໄດ້ 100%


ແຂວງຫຼວງນໍ້າທາ ເຊັນສັນຍາໂຄງການກໍ່ສ້າງຕາຂ່າຍໄຟຟ້າແຮງດັນກາງ 22 ກິໂລໂວນ, ແຮງດັນຕໍ່າ 0,4 ກິໂລໂວນ ແລະ ຕິດຕັ້ງໝໍ້ແປງໄຟຟ້າ ເຂົ້າບຸລິມະສິດທີ 1 ແຕ່ບ້ານຫຼັງຜາ ຫາ ສາມແຍກຜາງົວ ເມືອງລອງ ໃນວັນທີ 24 ມິຖຸນາ ຜ່ານ​ມານີ້, ເປັນກຽດເຂົ້າຮ່ວມຂອງ ທ່ານ ຄຳໄຫຼ ສີປະເສີດ ກຳມະການສູນກາງພັກ ເລຂາພັກແຂວງ ເຈົ້າແຂວງຫຼວງນໍ້າທາ, ທ່ານ ພູນໄຊ ພູນມີໄຊ ປະທານບໍລິສັດ ພີເອັດ ກໍ່ສ້າງ ແລະ ທ່ອງທ່ຽວ ຈຳກັດຜູ້ດຽວ, ມີບັນດາທ່ານກຳມະການພັກແຂວງ, ຫົວໜ້າພະແນກ-ຮອງຫົວໜ້າພະແນກການອ້ອມຂ້າງແຂວງ, ເຈົ້າເມືອງ-ຮອງເຈົ້າເມືອງ ແລະ ພາກສ່ວນກ່ຽວຂ້ອງເຂົ້າຮ່ວມ.

ທ່ານ ແສງເດືອນ ສິມມະນີວົງ ຮອງຫົວໜ້າພະແນກພະລັງງານ ແລະ ບໍ່ແຮ່ ໃຫ້ຮູ້ວ່າ: ໂຄງການກໍ່ສ້າງຕາຂ່າຍໄຟຟ້າດັ່ງກ່າວ ແມ່ນເປັນໂຄງການໜຶ່ງທີ່ມີບົດບາດສຳຄັນ ຕໍ່ການພັດທະນາເສດຖະກິດ-ສັງຄົມ ແລະ ວຽກງານປ້ອງກັນຊາດ-ປ້ອງກັນຄວາມສະຫງົບ ຂອງແຂວງ ເວົ້າລວມ ເວົ້າສະເພາະ ກໍແມ່ນຂອງເມືອງລອງ. ເປັນໂຄງການທີ່ຕັ້ງຢູ່ເຂດຊາຍແດນ ລາວ-ມຽນມາ.

ມີປະຊາຊົນທີ່ອາໄສຢູ່ຕາມແລວຕາຂ່າຍທັງໝົດ 21 ບ້ານ, 858 ຄົວເຮືອນ, ມີ 4.837 ຄົນ, ໂຄງການນີ້ແມ່ນໄດ້ສຳເລັດການສຳຫຼວດ-ອອກແບບ ໃນປີ 2020, ການສໍາຫຼວດ-ອອກແບບຂອງໂຄງການແມ່ນໄດ້ມອບໃຫ້ ບໍລິສັດ ຜູ້ສຳຫຼວດ-ອອກແບບ ເປັນຜູ້ຈັດຕັ້ງປະຕິບັດ ແລະ ມີການກວດກາ, ຕິດຕາມຢ່າງໃກ້ຊິດ ແລະ ໄດ້ຜ່ານການຮັບຮອງຈາກພະແນກ ພະລັງງານ ແລະ ບໍ່ແຮ່ຕາມລະບຽບການ. ພ້ອມກັນນັ້ນກໍໄດ້ຮັບຮອງເອົາແບບແຕ້ມເຕັກນິກຕ່າງໆ ພ້ອມທັງມູນຄ່າຂອງໂຄງການ ໃນປີ 2021 ແລະ ຜ່ານການປະເມີນຜົນຈາກກົມປະເມີນຜົນ, ກະຊວງແຜນການ ແລະ ການລົງທຶນ ພ້ອມອະນຸມັດໃນແຜນການລົງທຶນຂອງລັດໃນປີ 2022 ໄລຍະການຈັດຕັ້ງປະຕິບັດໂຄງການແມ່ນແຕ່ປີ 2022 ຫາ 2026 ແລະ ການຊຳລະສະສາງ ແມ່ນ ແຕ່ປີ 2022 ຫາ 2025 ຊຶ່ງວັດຖຸ ແລະ ອຸປະກອນທີ່ນໍາມາໃຊ້ເພື່ອການກໍ່ສ້າງຕ້ອງເປັນອັນໃໝ່ປາສະຈາກຂໍ້ບົກຜ່ອງເສຍຫາຍ ແລະ ຕ້ອງມີໃບສະແດງຄຸນສົມບັດ, ໄດ້ຮັບການກວດກາຈາກເຈົ້າຂອງໂຄງການ ຫຼື ວິຊາການກວດກາການກໍ່ສ້າງຂອງເຈົ້າຂອງໂຄງການ, ວັດຖຸອຸປະກອນດັ່ງກ່າວທີ່ນໍາມາໃຊ້ເຂົ້າໃນການກໍ່ສ້າງຕ້ອງຖືກຂົນສົ່ງເຂົ້າມາສະຖານທີ່ກໍ່ສ້າງ,

ດ້ວຍມູນຄ່າທັງໝົດ 97 ຕື້ 750 ລ້ານກວ່າກີບ, ໃນນັ້ນມີມູນຄ່າກໍ່ສ້າງໂຄງການ 97 ຕື້ 236 ລ້ານກວ່າກີບ ແລະ ມູນຄ່າຄຸ້ມຄອງໂຄງການ 514 ລ້ານກວ່າກີບ.

ໂອກາດນີ້ທ່ານເຈົ້າແຂວງຫຼວງນໍ້າທາ ກໍໄດ້ໃຫ້ກຽດໂອ້ລົມ ແລະ ໃຫ້ທິດຊີ້ນໍາບາງບັນຫາທີ່ສຳຄັນເປັນຕົ້ນແມ່ນໃຫ້ທາງ ບໍລິສັດ ຜູ້ຮັບເໝົາເອົາໃຈໃສ່ປະຕິບັດຕາມບົດບັນທຶກສັນຍາ, ໃຫ້ທຸກພາກສ່ວນທີ່ກ່ຽວ ຂ້ອງເປັນເຈົ້າການປະສານສົມທົບ ແລະ ພົວພັນ ຊຶ່ງກັນ ແລະ ກັນ, ໃກ້ຊິດຕິດແທດ, ຖ້າຫຍຸ້ງຍາກບັນຫາໃດຈົ່ງຊ່ວຍກັນແກ້ໄຂໃຫ້ທັນການ, ພ້ອມນັ້ນ ກໍໄດ້ເຊັ່ນສັນຍາຮ່ວມກັນລະຫວ່າງ ທ່ານ ພູນໄຊ ພູນມີໄຊ ປະທານ ບໍລິສັດ ພີເອັດ ກໍ່ສ້າງ ແລະ ທ່ອງທ່ຽວ ຈຳກັດຜູ້ດຽວ, ທ່ານ ບຸນທຳ ອິນທະປະເສີດ ຫົວໜ້າພະແນກແຜນການ ແລະ ການລົງທຶນ, ທ່ານ ສະແຫວງ ອຸປະເສີດ ຫົວໜ້າພະແນກພະລັງງານ ແລະ ບໍ່ແຮ່, ທ່ານ ຄຳພັນ ໄຊສີ ຫົວໜ້າພະແນກການເງິນແຂວງ ພ້ອມດ້ວຍຜູ້ແທນເຂົ້າຮ່ວມເປັນສັກຂີພິຍານ.
ທີ່ມາ: ປະຊາຊົນ

Related Posts

Leave a Reply

Your email address will not be published.