ພຽງ​ 5​ ເດືອນລັດຖະບານເກັບລາຍຮັບໄດ້ຈາກທ່າບົກ 3​ ແຫ່ງ​ 30​ ຕື້ກວ່າກີບ​ ເຊິ່ງເປັນແຫຼ່ງລາຍຮັບໃໝ່ຂອງຊາດ

ຊື້ເລກທີ່ນີ້ ມີແຕ່ໄດ້ກັບໄດ້ 100%


ພຽງ​ 5​ ເດືອນລັດຖະບານເກັບລາຍຮັບໄດ້ຈາກທ່າບົກ 3​ ແຫ່ງ​ 30​ ຕື້ກວ່າກີບ​ ເຊິ່ງເປັນແຫຼ່ງລາຍຮັບໃໝ່ຂອງຊາດ

ທ່ານ ວຽງສະຫວັດ ສີພັນດອນ ລັດຖະມົນຕີ ກະຊວງໂຍທາທິການ ແລະ ຂົນສົ່ງ (ຍທຂ) ໄດ້ຂຶ້ນຊີ້ແຈງຕໍ່ກອງປະຊຸມສະໄໝສາມັນເທື່ອທີ 3 ຂອງສະມາຊິກສະພາແຫ່ງຊາດຊຸດທີ IX ໃນວັນທີ 16 ມິຖຸນາ​ 2022​ ວ່າ: ລັດຖະບານ ໄດ້ກໍານົດໃຫ້ ສປປ ລາວ ມີທ່າບົກ ທັງໝົດ 9 ແຫ່ງຄື: ຫ້ວຍຊາຍ ແຂວງບໍ່ແກ້ວ; ນາເຕີຍ ເມືອງຫຼວງນ້ຳທາ ແຂວງຫຼວງນ້ຳທາ; ເມືອງໄຊ ແຂວງອຸດົມໄຊ; ຫຼວງພະບາງ; ທ່ານາແລ້ງ ນະຄອນຫຼວງວຽງຈັນ; ຫຼັກ 20 ບໍລິຄໍາໄຊ; ທ່າແຂກ ຄໍາມ່ວນ; ແຂວງສະຫວັນນະເຂດ ແລະ ວັງເຕົ່າ ແຂວງຈໍາປາສັກ.

ເພື່ອເຮັດໜ້າທີ່ຄືກັບທ່າເຮືອ ແລະ ຫຼຸດຜ່ອນຂໍ້ເສຍປຽບ ຂອງປະເທດທີ່ບໍ່ມີຊາຍແດນຕິດກັບທະເລ ໃນການເຮັດການຄ້າສາກົນ, ຮອດປັດຈຸບັນເປີດໃຫ້ບໍລິການພຽງ 3 ແຫ່ງຄື: ທ່ານາແລ້ງ, ສະຫວັນນະເຂດ ແລະ ວັງເຕົ່າ ຊຶ່ງຜ່ານການຈັດຕັ້ງປະຕິບັດ ມີຂໍ້ສະດວກ ແລະ ຫຍຸ້ງຍາກ ດັ່ງນີ້: ຂໍ້ສະດວກ ມີນິຕິກໍາພື້ນຖານຈໍານວນຫນຶ່ງເປັນບ່ອນອີງ, ສາມາດຄຸ້ມຄອງລວມສູນ, ຫັນເປັນທັນສະໄໝດ້ວຍລະບົບ IT, ສ້າງຄວາມໝັ້ນໃຈໃຫ້ແກ່ເຈົ້າຂອງສິນຄ້າ ແລະ ຜູ້ຂົນສົ່ງສາກົນ ໃນການຂົນສົ່ງ ແລະ ການຄ້າຜ່ານແດນຜ່ານ ສປປ ລາວ, ປ້ອງກັນການຮົ່ວໄຫຼ, ເປັນແຫຼ່ງສ້າງລາຍຮັບໃໝ່ຂອງຊາດ.​

5 ເດືອນຕົ້ນປີ 2022 ສາມາດສ້າງລາຍຮັບໃຫ້ລັດຈາກທ່າບົກ 3​ ແຫ່ງ​ ໄດ້ເຖິງ 30 ກ່ວາຕື້ກີບ. ໃນນີ້, ວັງເຕົ່າໄດ້ 2,2 ຕື້ກວ່າກີບ, ທ່ານາແລ້ງ ໄດ້ 8 ຕື້ກວ່າກີບ ແລະ ສະຫວັນນະເຂດ ໄດ້ 20,5 ຕື້ກວ່າກີບ.

Related Posts

Leave a Reply

Your email address will not be published.