ກ ະ​ ຊ ວ ງ​ ກ າ ນ ​ເງິນ ປະກາດບົ່ງຕົວແຕ່ງຕັ້ງ ຮອງເລຂາ ແລະ ກໍາມະການພັດ

ຊື້ເລກທີ່ນີ້ ມີແຕ່ໄດ້ກັບໄດ້ 100%


ກະ​ຊວງ​ການ​ເງິນ ປະກາດບົ່ງຕົວແຕ່ງຕັ້ງ ຮອງເລຂາ ແລະ ກໍາມະການພັກ

ການເງິນ ໄດ້ຈັດພິທີປະກາດບົ່ງຕົວແຕ່ງຕັ້ງຮອງເລຂາ, ກໍາມະການພັກ, ປະທານ, ຮອງປະທານກວດກາຂອງໜ່ວຍພັກກົມກວດກາ ກະຊວງການເງິນ ຂຶ້ນເມື່ອບໍ່​ດົມານີ້ ທີ່ກະ​ຊວງ​ດັ່ງ​ກ່າວ ໂດຍການເປັນປະທານຂອງ ສະຫາຍ ພູທະນູເພັດ ໄຊສົມບັດ ຄະນະປະຈໍາພັກ ປະທານກວດກາ ຄະນະບໍລິຫານງານພັກກະຊວງ ຮອງລັດຖະມົນຕີກະຊວງການເງິນ, ມີສະຫາຍ ອຸບັນ ສຸພິດາ ເລຂາໜ່ວຍພັກກົມກວດກາ ຜູ້ຕາງໜ້າກົມຈັດຕັ້ງ ແລະ ພະນັກງານ ພ້ອມດ້ວຍສະມາຊິກພັກ ກົມກວດກາເຂົ້າຮ່ວມ.

ໂອກາດນີ້, ສະຫາຍ ອຸບັນ ສຸພິດາ ໄດ້ລາຍງານໂດຍລວມກ່ຽວກັບການຊີ້ນໍາ-ນໍາພາວຽກພັກ-ພະນັກງານໃນໄລຍະຜ່ານມາເປັນຕົ້ນ: ການເຄື່ອນໄຫວຈັດຕັ້ງປະຕິບັດວຽກງານກໍ່ສ້າງ ແລະ ຂະຫຍາຍພັກ, ວຽກງານປ້ອງກັນພັກ-ພະນັກງານ ໂດຍການຕິດຕາມການເຄື່ອນໄຫວກວດກາ ຂອງພະນັກງານສະມາຊິກພັກທີ່ຂຶ້ນກັບໜ່ວຍພັກກົມກວດກາ, ພ້ອມນັ້ນ ກໍຍັງໄດ້ໃຫ້ຮູ້ຜົນສໍາເລັດໃນການການຊີ້ນໍາວຽກງານວິຊາສະເພາະເຊັ່ນ: ວຽກງານກວດກາພັກ ແລະ ບໍລິຫານສັງລວມ, ວຽກງານກວດກາລັດ, ວຽກງານຕ້ານ ແລະ ສະກັດກັ້ນການສໍ້ລາດບັງຫຼວງ, ວຽກງານແກ້ໄຂຜົນການກວດກາ, ທັງຕີລາຄາດ້ານດີ, ດ້ານອ່ອນ, ຂໍ້ຄົງຄ້າງໃນການເຄື່ອນໄຫວວຽກງານໄລຍະຜ່ານມາ ແລະ ທິດທາງແຜນການຈຸດສຸມໃນຕໍ່ໜ້າເພື່ອຮັບປະກັນໄດ້ການຈັດຕັ້ງປະຕິບັດວຽກງານໃຫ້ຖືກຕ້ອງສອດຄ່ອງຕາມລະບຽບຫຼັກການ. ພ້ອມນັ້ນ, ກໍໄດ້ຜ່ານມະຕິຕົກລົງ ວ່າດ້ວຍການບົ່ງຕົວແຕ່ງຕັ້ງຮອງເລຂາ, ກໍາມະການພັກ, ປະທານກວດກາ, ຮອງປະທານກວດກາຂອງໜ່ວຍພັກກົມກວດກາ ສະບັບເລກທີ 079/ຄປຈ,ກງ ລົງວັນທີ 23 ພຶດສະພາ 2022 ຊຶ່ງໄດ້ຕົກລົງເຫັນດີ ບົ່ງຕົວແຕ່ງຕັ້ງ ສະຫາຍ ວິລະໄພ ອຸບົນປະເສີດ ເປັນຮອງເລຂາໜ່ວຍພັກ ແລະ ປະທານກວດກາພັກ, ສະຫາຍ ຂັນຄໍາ ໄຊຍະວົງ ເປັນກໍາມະການໜ່ວຍພັກ ແລະ ສະຫາຍ ປະຫວັດ ພິລາວົງ ເປັນຮອງປະທານກວດກາພັກ ເພື່ອສືບຕໍ່ຊີ້ນໍາ-ນໍາພາ ການຈັດຕັ້ງປະຕິບັດວຽກງານຂອງໜ່ວຍພັກກົມກວດກາ ໃຫ້ມີລັກສະນະຕໍ່ເນື່ອງ ແລະ ມີປະສິດທິຜົນໃນການປະຕິບັດວຽກງານໃນຕໍ່ໜ້າ.

ໂອກາດນີ້, ສະຫາຍ ພູທະນູເພັດ ໄຊສົມບັດ ໄດ້ໃຫ້ກຽດໂອ້ລົມຕໍ່ພະນັກງານ-ສະມາຊິກພັກກົມກວດກາເພື່ອເປັນທິດຊີ້ນໍາການຈັດຕັ້ງປະຕິບັດວຽກງານໃນຕໍ່ໜ້າ, ພ້ອມທັງສະແດງຄວາມຍ້ອງຍໍຊົມເຊີຍນໍາບັນດາສະຫາຍທີ່ໄດ້ຮັບການແຕ່ງຕັ້ງປະກອບເຂົ້າໃນກົງຈັກການຈັດຕັ້ງຂອງໜ່ວຍພັກໃນຄັ້ງນີ້, ເພື່ອສືບຕໍ່ຮ່ວມກັບສະຫາຍເລຂາໜ່ວຍພັກ ແລະ ສະມາຊິກພັກ, ສືບຕໍ່ຜັນຂະຫຍາຍແນວທາງຂອງພັກ, ປະຕິບັດໜ້າທີ່ການເມືອງໃນໄລຍະໃໝ່ຂອງພັກ ແລະ ຮຽກຮ້ອງໃຫ້ບັນດາຄະນະໜ່ວຍພັກກົມ, ຈົ່ງເຊີດຊູຄວາມເປັນແບບຢ່າງນໍາພາສ້າງຄວາມສາມັກຄີເປັນປຶກແຜ່ນ, ສືບຕໍ່ຊີ້ນຳ-ນຳພາໜ້າທີ່ການເມືອງໃຫ້ສຳເລັດຕາມຄາດໝາຍ.

(ຂ່າວ: ກະ​ຊວງ​ການ​ເງິນ)

Related Posts

Leave a Reply

Your email address will not be published.