ປົ່ນກົບມາແຮງ ອາດຂຶ້ນລາຄາ! ແຕ່ສາມາດເຮັດເອງໄດ້ເດີ້ເຮີຍ ຈະໃສ່ດູກ ຫຼື ບໍ່ໃສ່ກະແລ້ວແຕ່ “ແຈກວິທີເຮັດປົ່ນກົບ”

ຊື້ເລກທີ່ນີ້ ມີແຕ່ໄດ້ກັບໄດ້ 100%


ເວົ້າເລື່ອງເມນູບ້ານໆຂອງລາວເຮົາ ບອກເລີຍວ່າມີຫຼາກຫຼາຍເມນູ ທີ່ຄົນໃນເມືອງ ບໍ່ເຄີຍກິນ ແຕ່ວ່າເລື່ອງລົດຊາດນັ້ນ ເມື່ອໄດ້ກິນອາດຕິດໃຈ ມື້ນີ້ຂໍແນະນໍາເມນູກົບ ອົບອົບ ທີ່ນອກຈາກຈະເຮັດໄດ້ຫຼາກຫຼາຍເມນູແລ້ວ ເມນູຍອດຮິດຂອງກົບ ນັ້ນກໍຄືການປົ່ນກົບທີ່ອາດມີຂັ້ນຕອນຫຼາຍແນ່ ແຕ່ວ່າຮັບປະກັນຄວາມແຊບ ທີ່ສາມາດນໍາເອົາມາລອງເຮັດໄດ້ ໂດຍຈະຕົ້ມກົບກ່ອນ ຫຼື ສາມາດປີ້ງກົບກ່ອນກະແຊບໄປອີກແບບ ມາ ມາລອງເຮັດປົ່່ນກົບກັນເລີຍ

ກຽມ ກົບຕົ້ມຫຼືປີ້ງກ່ອນກະໄດ້ (ບາງຄົນລອກໜັງອອກ), ໝາກເຜັດ ຫົວຜັກບົ່ວໃຫຍ່ ກະທຽມ ຈີ່ໃຫ້ສຸກ, ຫອມບົ່ວໃບ, ຫອມປ້ອມ, ຜັກແພວ, ປາແດກ, ເກືອ, ແປ້ງນົວ, ນໍ້າແກງຂອງກົບ

ເລີ່ມເລີຍ ເມື່ອປີ້ງ ຫຼື ຕົ້ມກົບສຸກ ກໍນໍາມາໄຈ້ກະດູູກອອກ ຈາກນັ້ນກໍຕໍາເຄື່ອງປຸງຕ່າງໆໃຫ້ເຂົ້າກັນ ໝາກເຜັດ, ຫອມບົ່ວ,ຜັກທຽມ ເກືອແປ້ງນົວ ຈາກນັ້ນກໍເອົາກົບລົງໄປ ຕໍາໃຫ້ມຸ່ນໆພໍປະມານ ຈາກນັ້ນກໍຕາມດ້ວຍປາແດກ ຫຼື ຈະໃສ່ນໍ້າປາກະໄດ້ຄັນໃຜບໍ່ກິນປາແດກ

ຈາກນັ້ນກໍເອົານໍ້າແກງໃສ່ ແລ້ວກໍຊິມເບິ່ງ ຈາກນັ້ນກໍໂຮ່ຍດ້ວຍຜັກຫອມ ເມື່ອປຸງແຊບແລ້ວ ກໍຈັດພາກິນໄດ້ເລີຍເຮີຍ

Related Posts

Leave a Reply

Your email address will not be published.