ຄັງສຳຮອງສະກຸນເງິນຕາຕ່າງປະເທດຂອງຈີນໃນທ້າຍເດືອນພຶດສະພາປີ​ 2022​ ມີເຖິງ 3.127,8 ຕື້ໂດລາສະຫະລັດ

ຊື້ເລກທີ່ນີ້ ມີແຕ່ໄດ້ກັບໄດ້ 100%


ຄັງສຳຮອງສະກຸນເງິນຕາຕ່າງປະເທດຂອງຈີນໃນທ້າຍເດືອນພຶດສະພາປີ​ 2022​ ມີເຖິງ 3.127,8 ຕື້ໂດລາສະຫະລັດ

ອີງຕາມສະຖິຕິຫຼ້າສຸດຈາກອົງການຄຸ້ມຄອງເງິນຕາຕ່າງປະເທດແຫ່ງຊາດຈີນແຈ້ງໃຫ້ຮູ້ວ່າ: ໃນທ້າຍເດືອນພຶດສະພາປີນີ້, ຄັງສຳຮອງສະກຸນເງິນຕາຕ່າງປະເທດຂອງຈີນ ມີເຖິງ 3.127,8 ຕື້ໂດລາສະຫະລັດ ເຊິ່ງໄດ້ເພີ່ມຂຶ້ນ 8,1 ຕື້ໂດລາສະຫະລັດ ຫຼື 0,26% ເມື່ອທຽບໃສ່ທ້າຍເດືອນເມສາປີນີ້.

ທ່ານ​ ນາງ​ ຫວາງຊູນຢີ່ງ, ຮອງຫົວໜ້າ ແລະ​ ໂຄສົກອົງການຄຸ້ມຄອງເງິນຕາຕ່າງປະເທດແຫ່ງຊາດຈີນກ່າວວ່າ: ໃນເດືອນພຶດສະພາປີນີ້, ຕະຫຼາດເງິນຕາຕ່າງປະເທດຂອງຈີນໄດ້ເຄື່ອນໄຫວຢ່າງໝັ້ນທ່ຽງໂດຍລວມ, ການສະໜອງ ແລະຄວາມຕ້ອງການເງິນຕາຕ່າງປະເທດພາຍໃນປະເທດຈີນມີຄວາມດຸນດ່ຽງໂດຍພື້ນຖານ. ຄັງສຳຮອງສະກຸນເງິນຕາຕ່າງປະເທດຂອງຈີນແມ່ນຄິດໄລ່ດ້ວຍເງິນໂດລາສະຫະລັດ, ເງິນສຳຮອງສະກຸນເງິນຕາຕ່າງປະເທດຂອງຈີນໃນເດືອນພຶດສະພາປີນີ້ໄດ້ເພີ່ມຂຶ້ນ.

ປັດຈຸບັນ, ສະຖານະການພາຍນອກຍັງມີຄວາມສັບສົນ ແລະຂ້ຽວຂາດ, ເສດຖະກິດໂລກກຳລັງປະເຊີນໜ້າກັບຄວາມສ່ຽງ ແລະ​ ສິ່ງທ້າທາຍທີ່ນັບມື້ນັບຫຼາຍຂຶ້ນ, ຕະຫຼາດການທະນາຄານສາກົນຍັງຄົງມີຄວາມບໍ່ແນ່ນອນຂ້ອນຂ້າງຫຼາຍ. ແຕ່ປະເທດຈີນໄດ້ວາງແຜນການປ້ອງກັນຄວບຄຸມພະຍາດໂຄວິດ-19 ແລະການພັດທະນາເສດຖະກິດສັງຄົມຢ່າງມີປະສິດທິພາບສູງ, ເສດຖະກິດຈີນສືບຕໍ່ມີທ່ວງທ່າທີ່ດີໃນໄລຍະຍາວ, ສິ່ງນີ້ຈະສະໜັບສະໜູນປະລິມານການສະສົມເງິນຕາຕ່າງປະເທດຂອງຈີນໃຫ້ມີຄວາມໝັ້ນທ່ຽງໂດຍລວມ. Cr: CRI-FM93

Related Posts

Leave a Reply

Your email address will not be published.